Magjia e festave ka mbërritur edhe në qytetin bregdetar të Sarandës, mes ngjyrave, dritave, zbukurimeve dhe atmosferës së fundvitit.
Kryeministri Edi Rama ndau në rrjetet sociale pamje nga dhjetori i festave në Sarandë.
Në ceremoninë e ndezjes së dritave të pemës gjigante në qendër të qytetit bregdetar, mori pjesë edhe kryetari i bashkisë Sarandë, Oltion Çaçi.
Grupe këngëtarësh, numra akrobacie dhe kori i fëmijëve, dhuruan emocione dhe spektakël për qindra qytetarë që iu bashkuan atmosferës festive.
Fëmijë dhe qytetarë të shumtë u mblodhën në sheshin qendror të qytetit të Sarandës, duke festuar ndezjen e dritave shumëngjyrëshe në pemën e “Krishtlindjeve”.
Dekori festiv i këtij viti, kthehet në një atraksion edhe për turistët e shumtë që vizitojnë qytetin bregdetar në çdo periudhë të vitit.