Kryeministri Edi Rama, njëherësh kryetar i Partisë Socialiste mori pjesë në takimin e drejtuesve të Partive Socialiste Europiane (PES) në Bruksel.
Ndërsa ndodhej në Bruksel për të marrë pjesë në samitin BE – Ballkani Perëndimor, Kryeministri u bë pjesë e takimit të partive simotra.
Takimi i drejtuesve të Partive Socialistëve Europiane u mbajt në prag të Këshillit Europian.
Sipas njoftimit nga Partia Socialiste, liderët e Partive Socialiste Evropiane qëndruan të bashkuar për të forcuar qëndrueshmërinë e Europës, për të mbështetur Ukrainën, për të avancuar një rrugë të drejtë drejt paqes në Lindjen e Mesme dhe për të forcuar aleancat përmes tregtisë dhe bashkëpunimit.