ELBASAN ,9 qershor 2026/Albania Express News/Në një vendim me ngarkesë të veçantë emocionale, AF Elbasani ka bërë të ditur se fanella me numrin 27 do të tërhiqet përfundimisht nga përdorimi, në shenjë respekti dhe mirënjohjeje të përhershme për Fatjon Bunjakun.
Klubi verdheblu ka vendosur që numri 27 të mos vishet më nga asnjë futbollist i ekipit, duke e kthyer atë në një simbol të kujtimit dhe kontributit që Bunjaku ka lënë në historinë e AF Elbasanit.
Sipas njoftimit, ky numër do të mbetet përgjithmonë pjesë e trashëgimisë së Fatjon Bunjakut në klub, si një dëshmi e vlerësimit për përkushtimin, pasionin dhe gjurmën e pashlyeshme që ai ka lënë te skuadra dhe tifozët.
Ky gjest i veçantë nga AF Elbasani vjen si një homazh për figurën e Fatjon Bunjakut, duke bërë që numri 27 të mbetet përjetësisht i lidhur me emrin e tij dhe me historinë e klubit elbasanas.