Calcio e Finanza’ ka publikuar klasifikimin e numrit mesatar të spektatorëve në shkallët e stadiumit të 20 skuadrabe të Serie A për sezonin 2025/26. Ashtu sikurse edhe vitin e kaluar edhe këtë vit, ky aspekt është çështje e dy skuadrave milaneze, Inter dhe Milan që janë në një garë të barabartë mes tyre
Në javën e 26 me 13 ndeshje të luajtura në San Siro për secilën prej skuadrave, Milani është në krye të këtij klasifikimi të veçantë me një mesatare prej 72 844 spektatorë për ndeshje. Interi është aty shumë pranë rivalëve të përjetshëm me një mesatare thuajse të barabartë, 72 814 tifzoë për ndeshje.
Podiumin e plotëson skuadra e Romës, me Olimpicon që ka regjistruar një numër mesatar prej 62 508 spektatorësh për ndeshje. Në vendin e fundit është Pisa që renditet pas Comos dhe Cremoneses.
‘Calcio e Finanza’ e përpiloi këtë klasifikim në bazë të biletave të shitura për çdo ndeshje dhe jo në bazë të prezencës efektive në stadium(duke përjashtuar situatat e veçanta sic është rasti i kontestimeve të Lazios dhe Torinos).