Elbasani pritet të zbresë në fushë me skemën 4-2-3-1, duke kërkuar ekuilibër mes sigurisë në mbrojtje dhe agresivitetit në fazën sulmuese. Në portë do të jetë Totoshi, ndërsa katërshja mbrojtëse do të përbëhet nga Lila, Olberkis, Lulaj dhe Musta, të cilët do të kenë detyrën të neutralizojnë pikat e forta të Teutës.
Para mbrojtjes, A. Kasa dhe Manellari pritet të luajnë një rol vendimtar, jo vetëm në prishjen e aksioneve kundërshtare, por edhe në nisjen e manovrave ofensivë me pasime të shpejta dhe vertikale.
Në repartin ofensiv, Lajthia, Diallo dhe Qose do të veprojnë pas sulmuesit, duke tentuar të krijojnë hapësira dhe epërsi numerike në zonën kundërshtare. Tsague do të jetë pika referente në majë të sulmit, me objektivin për të konkretizuar rastet që do të krijohen dhe për të mbajtur të angazhuar prapavijën e Teutës.