Deputeti i Partisë Socialiste, Adi Qose, ka bërë publike vendimin e Këshillit të Ministrave për shpërblimin financiar të pensionistëve dhe përfituesve të kategorive të veçanta me rastin e festave të fundvitit.
Sipas vendimit, parashikohet, 15,000 lekë shpërblim për pensionistët me pension deri në 20,000 lekë, si dhe disa kategori të tjera përfituesish.
10,000 lekë shpërblim për pensionistët me pension mbi 20,000 lekë, si edhe përfituesit e trajtimeve të veçanta.
Shpërblimet do të paguhen gjatë muajit dhjetor 2025, ndërsa përfituesit do të kenë mundësinë t’i tërheqin deri më 30 qershor 2026, nëpërmjet kanaleve të zakonshme të pagesës së pensioneve.
Qose e cilësoi këtë vendim si një mbështetje konkrete për mijëra pensionistë, duke theksuar se kujdesi për këtë shtresë mbetet prioritet dhe se kontributi i tyre meriton respekt e vlerësim të vazhdueshëm.