Presidenti amerikan i tha një gazetari se është gati të bëjë një marrëveshje me “këdo që është në krye” në Iran.
“Ata po luftojnë mes tyre, ka një konflikt të brendshëm të jashtëzakonshëm. Ndoshta në shumë raste ata po luftojnë për lidership. Unë mendoj se ata po luftojnë për të mos qenë liderë, sepse ne kemi neutralizuar dy nivele udhëheqësish”, vuri në dukje Trump.
“Kur të duan, mund të më telefonojnë. Ne i kemi të gjitha kartat, kemi fituar gjithçka”, theksoi ai.
Konkretisht në lidhje me atë që iranianët u propozuan ndërmjetësve pakistanezë dhe u transferuan në Uashington, Trump theksoi: Ata na dhanë një dokument që duhej të kishte qenë më i mirë. Dhe, çuditërisht, sapo e anulova udhëtimin e të dërguarve amerikanë në Pakistan, brenda 10 minutash morëm një dokument të ri që ishte shumë më i mirë. Diskutuam se ata nuk do të kenë armë bërthamore, shumë e thjeshtë… Ata ofruan shumë, por jo mjaftueshëm.
I pyetur nëse do ta vazhdonte armëpushimin, Trump u përgjigj: As nuk e kam menduar fare.
Përveç anulimit të udhëtimit në Pakistan, Trump shpjegoi se kishte dërguar ndërmjetësit e tij në Pakistan për të diskutuar situatën me Iranin.
“Mendoj se Pakistani është i shkëlqyer, mendoj se komandanti suprem është fantastik, mendoj se kryeministri është i mrekullueshëm. Dhe e dini që ata do të donin të shihnin që diçka të ndodhte, por ne nuk do të udhëtojmë për 15 ose 16 orë për t’u takuar me njerëz për të cilët askush nuk ka dëgjuar ndonjëherë”, u tha Trump gazetarëve para se të hipte në Air Force One në Florida.