IRLANDË ,04 gusht 2026/Albania Express News/-Egnatia është gati për një tjetër sfidë të rëndësishme në arenën europiane, teksa mbrëmjen e sotme përballet në transfertë me Shamrok Rovers në ndeshjen e parë të turit të tretë të Ligës së Europës. Takimi zhvillohet në Irlandë dhe nis në orën 21:00, ndërsa kampionët e Shqipërisë synojnë të hedhin një hap të rëndësishëm drejt kualifikimit.
Pak para fillimit të sfidës, trajneri Nevil Dede ka publikuar formacionin zyrtar, duke konfirmuar zgjedhjet e tij për këtë përballje delikate.
Një nga vendimet më të diskutuara është fakti se Aleksi mbetet sërish në stolin e rezervave, ndërsa në formacionin titullar aktivizohet Alijev, i cili zë vendin e Xhemajlit, tashmë i larguar nga skuadra.
Një tjetër risi është edhe çështja e kapitenit. Dajsinani do të mbajë shiritin e kapitenit në këtë përballje, duke udhëhequr Egnatian në një nga ndeshjet më të rëndësishme të sezonit.
Nga ana tjetër, Albanese e nis sfidën nga stoli, ndërsa Gruda ka fituar besimin e stafit teknik dhe do të jetë titullar që nga minuta e parë.
Egnatia kërkon një rezultat pozitiv në Dublin për të shkuar me më shumë besim në ndeshjen e kthimit, ndërsa përballë do të ketë një Shamrok Rovers me përvojë në kompeticionet europiane dhe që synon të shfrytëzojë faktorin fushë.
Formacionet zyrtare:
Shamrok Rovers – Egnatia
