Dinamo City mundet 1-0, në Irlandë por nuk dorëzohet as me 10 lojtarë, vendoset gjithçka pas një jave në stadiumin Elbasan Arena

IRLANDË ,04 gusht 2026/Albania Express News/-Dinamo City është mposhtur me rezultatin minimal 1-0 në transfertën ndaj skuadrës letoneze Audas, në ndeshjen e parë të raundit të tretë kualifikues të Conference League, duke lënë gjithsesi të hapur çështjen e kualifikimit për takimin e kthimit.

Pjesa e parë u karakterizua nga një lojë e fortë dhe e ekuilibruar, me të dyja skuadrat që u treguan të kujdesshme në fazën mbrojtëse. Dinamo City arriti të mbante nën kontroll sulmet e vendasve, ndërsa rasti vendimtar i sfidës erdhi në pjesën e dytë.
Në minutën e 68-të, pas një asisti të Daskevics, Bamba Diedhiou shënoi golin e vetëm të takimit, duke i dhënë avantazhin Audas.

Situata u vështirësua edhe më shumë për ekipin shqiptar në minutën e 71-të, kur Frenk Perndreca u ndëshkua me karton të kuq, duke e lënë Dinamo City-n me dhjetë lojtarë për më shumë se 20 minutat e fundit të ndeshjes.
Megjithatë, edhe në inferioritet numerik, blutë nuk u dorëzuan. Përkundrazi, Dinamo City vazhdoi të kërkonte golin e barazimit, duke krijuar disa situata të rrezikshme në zonën e vendasve dhe duke treguar se kualifikimi mbetet plotësisht i arritshëm.
Gjithçka do të vendoset pas një jave në “Elbasan Arena”, ku Dinamo City do të kërkojë të përmbysë disavantazhin minimal prej një goli dhe të sigurojë kalimin në fazën “play-off” të Conference League.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Çfarë po “gatuhet” në Kinë? Alfred Cako: Një elitë e fshehtë kontrollon politikën botërore, synimi është dobësimi i Evropës

TIRANË , 18 nëntor 2026/Albania Express News/-Konspiracionisti Alfred Cako...

Nuk u kthye në burgun e Rrogozhinës pas lejes së veçantë, Aurel (Artir) Hoxhës i kishin mbetur edhe 18 muaj dënim

RROGOZHINë , 18 nëntor 2026/Albania Express News/-Një rast i...

Nga marshimi te përplasjet me policinë, protesta në Tiranë shoqërohet me tensione

TIRANË , 18 nëntor 2026/Albania Express News/-Tensionet shoqëruan edhe...

Elisa Spiropali rikthehet në Kuvend pas përjashtimit nga forumet e PS-së, ulet mes deputetëve socialistë

Ish-kryetarja e Kuvendit mbërriti gjatë seancës plenare, zhvilloi një...