Ambasadorja e Republikës Popullore të Kinës , Pang Chunxue në Elbasan :Hapen horizonte të reja bashkëpunimi me Kinën në sport, kulturë dhe mbështetjen për të rinjtë

Ambasadorja kineze Pang Chunxue u takua të enjten  me kryebashkiakun Gledian Llatja dhe drejtuesit e sportit e kulturës. Në fokus të bisedimeve ishin  mundësitë e reja të bashkëpunimit  në fusha si kultura , sporti ,rinia etj .

ELBASAN / TIRANË , 19 nëntor 2026/Albania Express News/-Marrëdhëniet e miqësisë dhe bashkëpunimit ndërmjet Shqipërisë dhe Kinës synojnë të marrin një dimension të ri edhe në nivel vendor, me qytetin e Elbasanit që po shndërrohet në një pikë të rëndësishme të shkëmbimeve dhe nismave të përbashkëta mes dy vendeve.

Në kuadër të vizitës së saj në Elbasan, pas pjesëmarrjes në aktivitetin e organizuar me rastin e 77-vjetorit të vendosjes së marrëdhënieve diplomatike Shqipëri–Kinë, Ambasadorja e Republikës Popullore të Kinës në Shqipëri, znj. Pang Chunxue, zhvilloi një takim me Kryetarin e Bashkisë Elbasan, Gledian Llatja.

Gjatë takimit u diskutua mbi ecurinë e marrëdhënieve dypalëshe, bashkëpunimin ndërinstitucional dhe mundësitë për zgjerimin e mëtejshëm të tij, përmes projekteve dhe nismave që mund të sjellin përfitime konkrete për komunitetin elbasanas.

Sporti dhe kultura, në qendër të bashkëpunimit

Një vëmendje e veçantë gjatë vizitës iu kushtua sektorëve të sportit dhe kulturës, si fusha që krijojnë ura komunikimi, shkëmbimi përvojash dhe afrimi mes brezave të rinj.

Në këtë kuadër, ambasadorja Pang Chunxue zhvilloi një takim edhe me Drejtorin e Përgjithshëm të Kulturës dhe Sporteve në Bashkinë Elbasan, Artin Kovaçi.

Gjatë bashkëbisedimit, përfaqësuesja diplomatike kineze shprehu mbështetjen e Ambasadës së Kinës për institucionet vendore dhe gatishmërinë për të kontribuar në zhvillimin e aktiviteteve sportive, përfshirë mundësinë e dhurimit të pajisjeve sportive.

Një drejtim i veçantë i kësaj mbështetjeje lidhet me promovimin dhe zhvillimin e ping-pongut, një disiplinë sportive me traditë dhe popullaritet të konsiderueshëm në Kinë, por që ofron gjithashtu mundësi të mira për përfshirjen e fëmijëve dhe të rinjve në aktivitete fizike dhe konkurruese.

Në takim u diskutua edhe për mundësitë e bashkëpunimit me KS Elbasanin, me synimin për të nxitur aktivitete të përbashkëta, për të zgjeruar hapësirat e angazhimit sportiv dhe për t’u krijuar të rinjve më shumë mundësi për zhvillimin e aftësive të tyre.

Elbasani, një urë e re e shkëmbimeve shqiptaro-kineze

Takimet e zhvilluara gjatë kësaj vizite përfaqësojnë një tjetër hap në vijimësinë e marrëdhënieve mes Bashkisë Elbasan dhe Ambasadës së Republikës Popullore të Kinës në Shqipëri.

Përtej dimensionit diplomatik, interesi për sportin, kulturën dhe shkëmbimet institucionale krijon mundësi që miqësia tradicionale mes dy vendeve të konkretizohet përmes projekteve me ndikim të drejtpërdrejtë në jetën e qytetit.

Për Elbasanin, zgjerimi i këtyre marrëdhënieve mund të përkthehet në mbështetje për infrastrukturën dhe aktivitetet sportive, shkëmbim përvojash kulturore, si dhe iniciativa të reja në funksion të edukimit dhe përfshirjes së të rinjve.

Miqësia shqiptaro-kineze, e ndërtuar përgjatë dekadave, synon kështu të marrë një dimension më konkret në nivel lokal, duke hapur perspektiva të reja bashkëpunimi dhe duke vendosur sportin e kulturën në shërbim të afrimit mes dy popujve.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Gonxhja: 7,65 miliardë lekë për Turizmin, Kulturën dhe Sportin në vitin 2027, rritje me 3,5%

TIRANË , 19 nëntor 2026/Albania Express News/-Ministri i Turizmit,...

Lajme optimiste për Ervin Bakun, gazetari sportiv jashtë rrezikut për jetën pas aksidentit me motor

Sporti Shqiptar publikon informacionet e fundit për gjendjen e...

AF Elbasani përballë Dinamo City, statistikat zbulojnë forcën dhe dobësitë e verdhebluve, Daja kërkon më shumë efikasitet në sulm

ELBASANI , 19 nëntor 2026/Albania Express News/-Verdheblutë krijojnë volum...

Salla: Bujqësia 10% më shumë financim në 2027-ën, prioritet fermerët dhe prodhimi vendas

TIRANË , 19 nëntor 2026/Albania Express News/-Buxheti i vitit...