Aksion i gjerë në Kosovë, 155 vajza nga Shqipëria identifikohen në lokalet me muzikë live, mbyllen 15 biznese dhe arrestohen 8 persona

KOSOVË , 19 nëntor 2026/Albania Express News/-Policia e Kosovës ka zhvilluar një aksion të gjerë në të gjithë territorin e vendit, në kuadër të luftës kundër prostitucionit dhe trafikimit të qenieve njerëzore. Gjatë operacionit, i koduar “Vjeshta 2026”, janë identifikuar 155 shtetase shqiptare në lokalet me muzikë live.

Operacioni u zhvillua nga 3 deri më 17 nëntor, nën drejtimin e Drejtorisë për Hetimin e Trafikimit me Qenie Njerëzore dhe në bashkëpunim me disa institucione të tjera.
Sipas të dhënave të Policisë, kontrollet u kryen në 40 lokale me muzikë live, ku u identifikuan gjithsej 285 persona, 223 femra dhe 62 meshkuj. Prej tyre, 117 ishin shtetas të Kosovës dhe 168 shtetas të huaj. Në mesin e shtetaseve të huaja, 155 ishin nga Shqipëria, nëntë nga Serbia, tri nga Maqedonia e Veriut dhe një nga Kolumbia.

Për shkak të shkeljeve administrative, tetë lokale me muzikë live u mbyllën nga inspektorët e Ministrisë së Industrisë, Ndërmarrësisë dhe Tregtisë.
Aksioni u shtri edhe në 62 qendra masazhi në të gjithë Kosovën. Në këto ambiente u identifikuan 120 persona, mes tyre 94 femra dhe 26 meshkuj. Nga personat e identifikuar, 73 ishin shtetas të Kosovës dhe 47 të huaj. Në këtë kategori u evidentuan 19 shtetase nga Shqipëria, 27 nga Tajlanda dhe një nga Serbia.
Pas inspektimeve, shtatë qendra masazhi u mbyllën për shkelje administrative. Në total, numri i bizneseve të mbyllura gjatë operacionit arriti në 15. Gjatë operacionit u evidentuan edhe katër raste të kundërvajtjes “Marrje me prostitucion”, të lidhura me aktivitetin e eskortës.
Në këto raste u arrestuan tetë persona: katër meshkuj, tre shtetas të Kosovës dhe një i Shqipërisë, si dhe katër femra, një shtetase e Brazilit dhe tri të Kolumbisë. Për rastet e konstatuara u dorëzuan fletëparaqitje në gjykatë dhe u shqiptuan gjoba. Gjithashtu, ndaj shtetaseve të huaja u vendosën masa dëbimi nga Kosova dhe ndalim hyrjeje në vend për periudha nga gjashtë muaj deri në tre vjet.
Policia bëri të ditur se gjatë kontrolleve grave të identifikuara në lokalet me muzikë live, qendrat e masazhit dhe aktivitetin e eskortës iu dha mundësia të deklaronin nëse ishin viktima të shfrytëzimit apo trafikimit të qenieve njerëzore.
Megjithatë, sipas autoriteteve, gjatë këtij operacioni nuk u identifikua asnjë rast i trafikimit të qenieve njerëzore.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Elbasan / Eksperienca evropiane e hendbollit në auditorët universitarë, leksion i hapur me ekspertin e EHF-së

ELBASAN , 19 nëntor 2026/Albania Express News/-Njohuritë dhe praktikat...

Komiteti Ekzekutiv i FSHF miraton datën, Mbrëmja Gala “Topi i Artë 2026” zhvillohet më 11 janar

TIRANË , 19 nëntor 2026/Albania Express News/-Mbrëmja Gala “Topi...

“Lidhja me aeroportin e Rinasit pranë finishit”/ Rama ndan pamjet nga stacioni i ri i Vorës në Hekurudhën Durrës-Tiranë

TIRANË , 19 nëntor 2026/Albania Express News/-Kryeministri Edi Rama...

“Rama ik!”/ Protestuesit nuk largohen nga Kryeministria, kërkojnë dorëheqjen e qeverisë

TIRANË , 19 nëntor 2026/Albania Express News/-Qytetarët janë mbledhur...