Lajme optimiste për Ervin Bakun, gazetari sportiv jashtë rrezikut për jetën pas aksidentit me motor

Sporti Shqiptar publikon informacionet e fundit për gjendjen e tij shëndetësore: Ervini ndodhet nën kujdesin e mjekëve, është i vetëdijshëm dhe komunikon normalisht.

 TIRANË , 19 nëntor 2026/Albania Express News/-Lajme inkurajuese vijnë për gazetarin e njohur sportiv Ervin Baku, i cili ka pësuar një aksident rrugor pasi është përplasur nga një autobus teksa udhëtonte me motorin e tij.

Në një publikim të gazetës “Sporti Shqiptar”, bëhet e ditur se, pas komunikimit me fotografin e mirënjohur Fred Hazisllarin, mik i Ervin Bakut ,informacionet për gjendjen shëndetësore të gazetarit janë optimiste.

Sipas të dhënave të bëra publike, Baku ndodhet nën kujdesin e mjekëve dhe gjendja e tij paraqitet e qëndrueshme. Ai ndihet mirë, është në gjendje të komunikojë normalisht, ndërsa po vijojnë ekzaminimet e nevojshme mjekësore, përfshirë edhe skanerin, për të vlerësuar me kujdes pasojat e aksidentit.

Lajmi më i rëndësishëm dhe që ka sjellë lehtësim te kolegët, miqtë dhe njerëzit që e njohin është se, sipas informacionit të publikuar nga “Sporti Shqiptar”, gazetari nuk ndodhet në rrezik për jetën.

Aksidenti ka shkaktuar shqetësim në komunitetin e gazetarëve sportivë, ku Ervin Baku njihet për pasionin, energjinë dhe angazhimin e tij në gazetarinë sportive.

Pas lajmit për aksidentin, urimet për shërim të shpejtë dhe mesazhet e solidaritetit janë kthyer në një mbështetje të veçantë për gazetarin dhe familjarët e tij në këto momente.

Albania Express News i bashkohet urimeve për shërim të shpejtë të Ervin Bakut!

E presim sa më shpejt të rikthehet pranë familjes, miqve dhe kolegëve, në redaksi e në stadiume, me buzëqeshjen, humorin dhe pasionin që e karakterizojnë.

Të shkuara, Ervin! Shëndet dhe forcë! Kjo është ndeshja që duhet ta fitosh! ❤️

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Gonxhja: 7,65 miliardë lekë për Turizmin, Kulturën dhe Sportin në vitin 2027, rritje me 3,5%

TIRANË , 19 nëntor 2026/Albania Express News/-Ministri i Turizmit,...

AF Elbasani përballë Dinamo City, statistikat zbulojnë forcën dhe dobësitë e verdhebluve, Daja kërkon më shumë efikasitet në sulm

ELBASANI , 19 nëntor 2026/Albania Express News/-Verdheblutë krijojnë volum...

Salla: Bujqësia 10% më shumë financim në 2027-ën, prioritet fermerët dhe prodhimi vendas

TIRANË , 19 nëntor 2026/Albania Express News/-Buxheti i vitit...

Tensione përpara Kryeministrisë, protestuesit përplasen me policinë

TIRANË , 19 nëntor 2026/Albania Express News/-Përplasjet mes protestuesve...