Elbasani në ritmin e hendbollit, kurorëzohen kampionët e U13

Pallati i Sportit “Tomorr Sinani” në Elbasan priti finalet e Kampionatit të Hendbollit U13 për vajza dhe djem, një aktivitet që vuri në pah talentin, përkushtimin dhe pasionin e sportistëve të rinj. Në parket u përballën ekipet finaliste të shkollave të qytetit, në një aktivitet të organizuar nga Federata Shqiptare e Hendbollit, në bashkëpunim me Zyrën Vendore Arsimore Elbasan dhe Klubin Shumësportësh Elbasan.

Në konkurrimin për vajza, triumfoi shkolla “Sulë Misiri”, e cila mposhti në finale shkollën “Sulë Harri”. Ndërsa në kategorinë e djemve, fituese u shpall shkolla “Abdyl Paralloi”, pas përballjes me shkollën “Naim Frashëri”. Përtej rezultateve, ky aktivitet synon të nxisë përfshirjen e fëmijëve në sport, të evidentojë talentet e reja dhe të krijojë një bazë të qëndrueshme për zhvillimin e hendbollit në qytetin e Elbasanit.

Nisma të tilla dëshmojnë rëndësinë e bashkëpunimit mes institucioneve sportive dhe atyre arsimore, duke e kthyer shkollën në pikënisjen e edukimit sportiv dhe zbulimit të kampionëve të së ardhmes.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Kreu i prezencës së OSBE-së në Shqipëri takohet me Gjiknurin dhe Bylykbashin, thirrje për përshpejtimin e Reformës Zgjedhore

TIRANË , 16 nëntor 2026/Albania Express News/-Kryetari i Prezencës...

Aksident i rëndë në Elbasan, plagoset një këmbësor, dyshohet se u përplas nga një automjet

ELBASAN , 16 nëntor 2026/Albania Express News/-Një aksident rrugor...

Shqipëria ngjitet në B, Italia jashtë çerekfinaleve! Liga e Kombeve hyn në fazën vendimtare

TIRANË , 16 nëntor 2026/Albania Express News/-Kryeministri Rama do...