TIRANË , 27 gusht 2026/Albania Express News/-Dinamo po luan ndaj Pafosit në Qipro, në finalen e “play-off”-it të Ligës së Konferencës, sfidë që do të përcaktojë skuadrën që do të sigurojë një vend në fazën e ligës së kompeticionit.
Pas barazimit 1-1 në ndeshjen e parë të zhvilluar në “Elbasan Arena”, gjithçka mbetet e hapur. Pavarësisht diferencës së madhe në vlerën e skuadrave në treg, Dinamo tregoi në sfidën e parë se mund të përballet denjësisht me qipriotët.
Trajneri Ilir Daja i ka besuar një formacioni që synon kualifikimin historik. Në formacionin titullar është edhe Fadairo, i huazuar nga Partizani, i cili aktivizohet për herë të parë nga minuta e parë.
PAFOS 1-1 DINAMO
8’ Fadairo – 12’ Sema
NGJARJET KRYESORE
45’+7’ – Mbyllet pjesa e parë në barazim 1-1. Dinamo e kontrollon lojën në minutat e fundit, por pa gjetur golin e avantazhit.
45’+5’ – Malomo futet në qendër nga e majta dhe provon me gjuajtje, por topi përfundon jashtë, jo shumë larg shtyllës së portës vendase.
45’+3’ – Përndreca provon me të majtën nga distanca, por sfera nuk gjen kuadratin.
45’+1’ – Pas një goditjeje dënimi nga e majta, Ioanu gjuan me kokë, por Teqja përgjigjet mirë dhe neutralizon rrezikun.
45’ – Akordohen 6 minuta shtesë.
42’ – Pafosi ndërton një aksion të rrezikshëm në krahun e djathtë. Pasimi gjen Lele të vetëm para portës, por sulmuesi e dërgon topin shumë lart mbi traversë.
40’ – Probleme fizike për Ditën, i cili detyrohet të marrë ndihmën e stafit mjekësor.
38’ – Dinamo merr kontrollin e lojës dhe qarkullon mirë topin, por pa arritur të finalizojë me gjuajtje drejt portës.
35’ – Dragomir tenton të kontrollojë topin në zonë nga e majta, por Ismaili mbrohet mirë dhe e detyron të dalë jashtë.
30’ – Aksion i shpejtë i Dinamos në krahun e majtë. Mbrojtja vendase arrin të bllokojë Vilën në zonë.
27’ – Pas goditjes së dënimit të David Luiz, topi mbetet rrezikshëm në zonën e Dinamos, por Aliji largon rrezikun dhe fiton një faull.
26’ – Përndreca ndëshkohet me karton të verdhë pas një pengimi ndaj Korreias.
18’ – Teqja tregohet i vëmendshëm dhe reagon mirë pas një goditjeje me kokë të Lele.
15’ – Loja rifillon pas rreth tre minutash ndërprerje, teksa dinamovitët pretenduan për faull në aksionin e golit të Pafosit.
12’ GOL PAFOS! 1-1. Sema gjuan nga distanca dhe topi devijohet, duke përfunduar në rrjetën e Teqjes. Dinamovitët protestojnë ashpër, duke pretenduar se duhej të ishte ndalur loja për një faull ndaj Malomos.
8’ GOOOL DINAMO! 0-1. Malomo i vjedh topin David Luiz dhe ia pason Silva-Richards, i cili shërben për Fadairon. Sulmuesi nuk fal përballë portës dhe i jep avantazhin Dinamos.
5’ – Lele provon të gjejë portën, por gjuajtja e tij nuk është e saktë.
3’ – Pas një goditjeje këndi të Alijit, Përndreca nuk arrin të devijojë topin.
1’ – Nis sfida në Qipro.
FORMACIONET ZYRTARE
Pafos: Majecki; Bruno, Goldar, David Luiz, N. Ioanou; Pepe, Sunjic, Sema; Dragomir, Lele, Korreia.
Trajner: Ricardo Sa Pinto.
Dinamo: Teqja; Përndreca, Aliji, Dita, Ismaili; Silva-Richards, Qardaku, Malomo; L. Vila, Fadairo, Qefalija.
Trajner: Ilir Daja.