Në Durrës është hapur godina e re e parkimit publik me energji të vetëprodhuar nga dielli.
Kryeministri Edi Rama e cilësoi godinën një tjetër vepër të bukur publike për qytetin bregdetar.
Rama informoi se godina e re e parkimit publik ka rreth 400 vende parkimi dhe funksione të ndërthurura midis hapësirave për parkim, për zyra dhe aktiviteteve të hapura social-kulturor.
Parkimi publik pranë Stacionit të Trenit është me 6 nivele. Projekti përfshin një sipërfaqe rreth 15 mijë metra2, në dispozicion për rreth 400 mjete dhe evente të ndryshme me një hapësirë të posaçme në nivelin e sipërm.
E ndodhur midis stacionit të trenit, portit të qytetit, terminalit të autobusëve interurbanë, qendrës së qytetit dhe daljes në drejtim të rrugëve kombëtare, qendra e re e parkimit ka një potencial të veçantë në qytet, për zhvillimin, jo vetëm të zonës përreth, por dhe më gjerë.