Mbrëmjen e djeshme u zhvilluan pesë ndeshje të rëndësishme për kualifikueset e Botërorit 2026, ku u shënuan plot 15 gola. Kombëtaret e mëdha nuk zhgënjyen, duke siguruar fitore të vlefshme në garën për një vend në turneun më prestigjioz të futbollit botëror.
Surpriza e mbrëmjes erdhi nga Shqipëria, e cila triumfoi në transfertë ndaj Serbisë, duke ndezur emocionet e një suksesi historik.
Në ndeshjet e tjera, Italia fitoi 1-3 në fushën e Estonisë, ndërsa Spanja hodhi një hap të madh drejt kualifikimit me triumfin 2-0 ndaj Gjeorgjisë.
Turqia shkaktoi një “tërmet 6 ballësh” në Bullgari, duke fituar me rezultatin spektakolar 1-6, ndërsa Portugalia mori një fitore minimale, megjithëse Cristiano Ronaldo humbi një 11-metërsh.
Kualifikimet vijojnë me rivalitet të fortë dhe emocione të mëdha, ndërsa rruga drejt Kupës së Botës 2026 mbetet e hapur dhe plot surpriza.