Elbasani vazhdon të mbajë kreun e renditjes, ndërsa presidenca ka vendosur të motivojë skuadrën për sprintin final të kampionatit. Mësohet se drejtuesit kanë vënë në dispozicion të ekipit një premio prej 100 milionë lekësh të vjetër, në rast se verdheblutë arrijnë ta mbyllin sezonin e rregullt në vendin e parë dhe më pas të shpallen kampionë.
Bëhet fjalë për një shpërblim rekord në historinë e klubit, i cili u është komunikuar futbollistëve gjatë kësaj jave, në prag të përballjes së rëndësishme ndaj Vorës. Aktualisht, Elbasani kryeson renditjen me 2 pikë avantazh ndaj Vllaznisë, ndërsa kanë mbetur edhe tri javë deri në mbyllje të kampionatit të rregullt.