Konkursi dhe Festivali Ndërkombëtar i Arteve “Yjet e Verës së Durrësit” riktheu këtë gusht magjinë e vallëzimit dhe artit shumëkulturor në qytetin bregdetar.
Valltarë nga Shqipëria, Bullgaria, Polonia dhe Ukraina u bashkuan në skenën e hapur të Shëtitores së Plazhit, duke sjellë një spektakël mbresëlënës, mbështetur nga Bashkia e Durrësit.
Performancat e valltarëve durrsakë të QKF dhe të studiove private të vallëzimit shkëlqyen me koreografi popullore të nivelit profesional, duke u bërë ambasadorë kulturorë të folklorit shqiptar.
Kryetarja e bashkisë, Emiriana Sako, e cilësoi aktivitetin si festë arti, miqësie dhe kulturash, me synimin për të zbuluar talente të reja dhe për të promovuar vlerat folklorike ndërkombëtare.