Kryeministri Edi Rama konfirmoi sot se bonusi i pensionistëve do të shpërndahet para festave të fundvitit.
Në një dëgjesë me banorët e Njësinë nr. 5 në Tiranë, Rama mohoi pretendimet se nuk do të ketë bonus për pensionistët këtë vit.
Kryeministri Rama sqaroi për qytetarët dhënien e bonusit, pasi siç u shpreh ai, ka dëgjuar të flitet se nuk do të jepet bonusi i këtij viti pasi do të shpërndahet vitin tjetër.
“Në radhë të parë të gjithë pensionistët do të marrin ekzaktësisht bonusin që kanë marrë dhe që iu është premtuar vjet apo u është premtuar edhe këtë vit”, tha Rama.
Kryeministri siguroi se bonusi do të shpërndahet përsëri përpara Vitit të Ri, sipas atyre dy fashave që janë përcaktuar.
Rama theksoi se bonusi është i angazhuar dhe në kohën e përcaktuar do të fillojë shpërndarja që pensionistët ta kenë përpara festave.