Ditën e martë, vendi ynë do të ndikohet nga kushte atmosferike të qëndrueshme. Parashikimet tregojnë mot fillimisht me vranësira mesatare deri të dendura, të cilat pas mesditës do të vijojnë në shpërbërje, duke sjellë intervale më të gjata me kthjellime.
Sipas Shërbimit Meteorologjik Ushtarak, era do të fryjë nga verilindja dhe veriperëndimi me shpejtësi mesatare rreth 8 m/s, ndërsa në zonat luginore dhe përgjatë vijës bregdetare hera-herës mund të arrijë deri në 12 m/s. Deti pritet të ketë valëzim të forcës 2 deri 3 ballë, duke ofruar kushte të qëndrueshme për lundrim.