Elbasani vijon të prodhojë histori suksesi në arsim, teksa një tjetër emër i ri spikat në rang kombëtar. Noemi Balla, nxënëse e Shkollës së Mesme të Përgjithshme “Kostandin Kristoforidhi” dhe përfaqësuese e ZVAP Elbasan, ka arritur një rezultat të jashtëzakonshëm në Olimpiadën Kombëtare të Letërsisë, duke u renditur në vendin e dytë në të gjithë Shqipërinë.
Me një përgatitje të shkëlqyer dhe pasion të veçantë për letërsinë, Noemi ka dëshmuar nivel të lartë njohurish dhe aftësi analitike, duke u dalluar mes më të mirëve në vend.
Ky sukses është jo vetëm një arritje personale, por edhe një krenari për shkollën “Kostandin Kristoforidhi” dhe gjithë komunitetin arsimor të Elbasanit.
Arritja e saj vjen si rezultat i punës së palodhur, përkushtimit dhe mbështetjes së mësuesve, duke treguar edhe një herë se investimi në dije sjell rezultate konkrete dhe frymëzuese.
Urimet dhe vlerësimet për Noemin kanë qenë të shumta, ndërsa të gjithë i urojnë suksese të mëtejshme në rrugëtimin e saj akademik, me besimin se ky është vetëm fillimi i një serie arritjesh të mëdha.