Nis pajisja me Kartën e Parkimit për Rezidentët në Elbasan, Bashkia publikon procedurat e aplikimit

ELBASAN ,22 korrik 2026/Albania Express News/-Bashkia Elbasan ka njoftuar nisjen e procedurave për pajisjen e qytetarëve me Kartën e Parkimit për Rezidentët, një shërbim që synon të lehtësojë procedurat administrative dhe të afrojë shërbimet pranë banorëve.

Sipas njoftimit zyrtar, kjo nismë mbështetet në dispozitat e Ligjit nr. 139/2015 “Për vetëqeverisjen vendore”, Ligjit nr. 9920/2008 “Për procedurat tatimore në Republikën e Shqipërisë”, Ligjit nr. 68/2017 “Për financat e vetëqeverisjes vendore”, si dhe në aktet e Këshillit Bashkiak që rregullojnë tarifën e parkimit për rezidentët.

Të drejtën për të aplikuar e kanë të gjithë qytetarët që janë rezidentë në zonat ku aplikohet sistemi i parkimit me pagesë për banorët. Aplikimi kryhet pranë zyrës së Rajonit Administrativ përkatës, ku qytetarët duhet të dorëzojnë dokumentacionin identifikues dhe të mjetit, përfshirë certifikatën familjare ose të rezidencës, si dhe lejen e qarkullimit të automjetit.

Tarifa vjetore për pajisjen me Kartën e Parkimit për Rezidentët është 2 mijë lekë, ndërsa pagesa kryhet direkt në zyrën e Rajonit Administrativ. Pas kryerjes së pagesës, qytetarëve u lëshohet menjëherë mandat-arkëtimi zyrtar, në përputhje me rregullat financiare në fuqi.

Bashkia Elbasan fton të gjithë banorët që plotësojnë kriteret të paraqiten pranë Rajonit të tyre Administrativ për të përfituar këtë shërbim. Për çdo informacion apo sqarim shtesë, qytetarët mund të drejtohen pranë zyrave të Rajoneve Administrative ose pranë Sektorit të Menaxhimit të Transportit Publik në Bashkinë Elbasan.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Çfarë po “gatuhet” në Kinë? Alfred Cako: Një elitë e fshehtë kontrollon politikën botërore, synimi është dobësimi i Evropës

TIRANË , 18 nëntor 2026/Albania Express News/-Konspiracionisti Alfred Cako...

Nuk u kthye në burgun e Rrogozhinës pas lejes së veçantë, Aurel (Artir) Hoxhës i kishin mbetur edhe 18 muaj dënim

RROGOZHINë , 18 nëntor 2026/Albania Express News/-Një rast i...

Nga marshimi te përplasjet me policinë, protesta në Tiranë shoqërohet me tensione

TIRANË , 18 nëntor 2026/Albania Express News/-Tensionet shoqëruan edhe...

Elisa Spiropali rikthehet në Kuvend pas përjashtimit nga forumet e PS-së, ulet mes deputetëve socialistë

Ish-kryetarja e Kuvendit mbërriti gjatë seancës plenare, zhvilloi një...