LAJMI I FUNDIT/ Egnatia sfidon Çeljen në Champions League, Dede surprizon me formacionin , kapiteni Aleksi e nis nga stoli

RROGOZHINË ,22 korrik 2026/Albania Express News/-Egnatia rikthehet sonte në skenën më të rëndësishme të futbollit europian, teksa pret skuadrën sllovene të Çeljes në ndeshjen e parë të turit të dytë kualifikues të UEFA Champions League. Takimi do të luhet në stadiumin “Arena Egnatia”, me start në orën 21:00, ku kampionët e Shqipërisë synojnë të hedhin një hap të rëndësishëm drejt fazës së radhës.

Skuadra rrogozhinase vjen në këtë përballje me moral të lartë pas paraqitjes spektakolare në turin e parë, ku eliminoi kampionët e Moldavisë, Petrokub, me rezultatin e përgjithshëm 6-1, duke konfirmuar formën e shkëlqyer dhe ambiciet në arenën europiane.

Pak minuta para nisjes së sfidës janë publikuar edhe formacionet zyrtare, ndërsa surpriza më e madhe vjen nga trajneri Nevil Dede, i cili ka lënë në stol kapitenin Albano Aleksi. Vendimi ka ngjallur diskutime, pasi mesfushori ka qenë një nga lojtarët kyç të Egnatias në sezonet e fundit.

Ndërkohë, sipas raportimeve të Panorama Sport, Aleksi është shumë pranë largimit nga Egnatia, çka mund të ketë ndikuar edhe në zgjedhjen e trajnerit për këtë ndeshje.

Formacionet zyrtare:

Egnatia: Dajsinani; Sota, Bitri, Xhemajli, Haime; Loukili, Kryeziu, Fernando; Jago, Albanese, Bakajoko.

Trajner: Nevil Dede.

Çelje: Leban; Koutris, Hrka, Vukliseviç, Diounkou; Kvesiç, Daniel, Seslar; Dukuly, Kucys, Avdyli.

Trajner: Vitor Kampelos.

Pritet një atmosferë elektrizuese në “Arena Egnatia”, ku tifozët rrogozhinas shpresojnë të shohin skuadrën e tyre të vazhdojë rrugëtimin historik në Champions League dhe të marrë një rezultat pozitiv përpara ndeshjes së kthimit në Slloveni.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Çfarë po “gatuhet” në Kinë? Alfred Cako: Një elitë e fshehtë kontrollon politikën botërore, synimi është dobësimi i Evropës

TIRANË , 18 nëntor 2026/Albania Express News/-Konspiracionisti Alfred Cako...

Nuk u kthye në burgun e Rrogozhinës pas lejes së veçantë, Aurel (Artir) Hoxhës i kishin mbetur edhe 18 muaj dënim

RROGOZHINë , 18 nëntor 2026/Albania Express News/-Një rast i...

Nga marshimi te përplasjet me policinë, protesta në Tiranë shoqërohet me tensione

TIRANË , 18 nëntor 2026/Albania Express News/-Tensionet shoqëruan edhe...

Elisa Spiropali rikthehet në Kuvend pas përjashtimit nga forumet e PS-së, ulet mes deputetëve socialistë

Ish-kryetarja e Kuvendit mbërriti gjatë seancës plenare, zhvilloi një...