POLONI,28 maj 2026/Albania Express News/Kryetari i Bashkisë së Librazhdit z.Mariglen Disha mori pjesë në një nga aktivitetet më të rëndësishme ndërkombëtare të zhvilluar në Lublin të Polonisë, ku u mblodhën përfaqësues të institucioneve, universiteteve dhe komuniteteve nga vende të ndryshme për të diskutuar mbi bashkëpunimin rajonal, zhvillimin ekonomik dhe projektet e përbashkëta për të ardhmen.
Pjesëmarrja në këtë forum të rëndësishëm përfaqëson një vlerësim të madh për bashkinë e Librazhdit dhe rolin që qyteti dhe Njësitë Administrative të saj mund të luajnë në nisma bashkëpunimi ndërkombëtar, veçanërisht në fushat e turizmit, kulturës, sportit dhe zhvillimit të qëndrueshëm lokal.
Gjatë takimeve të zhvilluara në kuadër të aktivitetit, u diskutuan mundësi konkrete për partneritete të reja, shkëmbime eksperiencash dhe projekte që synojnë afrimin mes komuniteteve dhe krijimin e më shumë mundësive për të rinjtë.
Një rëndësi e veçantë iu kushtua edhe promovimit të rajoneve përmes bashkëpunimit ndërkombëtar, si dhe fuqizimit të lidhjeve mes qyteteve evropiane në funksion të zhvillimit ekonomik dhe social.
Pjesëmarrja e Kryetarit të Bashkisë së Librazhdit z.Mariglen Disha në këtë aktivitet prestigjioz konsiderohet një hap i rëndësishëm drejt zgjerimit të marrëdhënieve ndërkombëtare dhe promovimit të vlerave, potencialeve dhe identitetit të Librazhdit në arenën europiane.
