Sipas raportimeve të gazetares së Top Channel, Anila Hoxha, Gjykata e Lartë ka rrëzuar rekursin e paraqitur nga Arbër Veliaj, vëllai i kryetarit të Bashkisë së Tiranës, Erion Veliaj, lidhur me ankesën ndaj vendimit për kontrollin e banesës së tij nga SPAK gjatë vitit 2024.
Vendimi është marrë në dhomë këshillimi nga trupa gjykuese e përbërë nga Albana Boksi, Medi Bici dhe Sokol Binaj. Gjykata vendosi që vendimi i Apelit të Posaçëm i datës 31 korrik 2025 të mbetet në fuqi.