TIRANË ,24 korrik 2024/-Deputetja e PD-së, Klodiana Çapja me një reagim në rrjetet sociale, i ka bërë thirrje Taulant Ballës që të mbajë duart larg Përrenjasit, dhe që të mos shkrihet kjo bashki.
Reagimi i deputetes, Klodiana Çapja:
Taulant, ti që thua se do Prrenjasin, Rrajcën, Stravajn, Qukësin.
Ti që thua se i do qytetarët e asaj zone, nëse vërtet ke një farë dashurie për ta, mos e shkri bashkinë e Prrenjasit.
Mos ua largo atyre më shumë shërbimet.
Mos i largo ata më shumë nga investimet. Mos ua bëj përditshmërinë atyre më të vështirë sesa e kanë deri më tani.
Ti Taulant që u lavdëron qytetarëve të Prrenjasit punën e shkëlqyer që kanë bërë kolegët e tu për reformën territoriale, do të përballesh me protestat më të jashtëzakonshme që ke parë deri më sot nga qytetarët e Prrenjasit.
Ndaj reflekto sa nuk është vonë, ti dhe ata të tjerë si ti, dhe largoni duart nga bashkia e Prrenjasit.