Atmosfera e festave kombëtare ka mbërritur më herët në qytetin e Belshit, ku rrugët, pedonalja dhe sheshet janë mbushur me flamuj, dekorime dhe ngjyrat e flamurit tonë kombëtar. Prej disa ditësh, Belshi frymon në kuq e zi, duke përçuar emocion dhe krenari tek çdo banor e vizitor.
Në çdo cep të qytetit ndihen ritmet e gëzimit dhe festës, ndërsa në fytyrat e qytetarëve vërehet buzëqeshja dhe ndjenja e përkatësisë kombëtare. Flamujt që valëviten në rrugë e ndërtesa, zbukurimet patriotike dhe atmosfera festive e kanë kthyer Belshin në një mozaik të vërtetë shqiptarie.
Kjo periudhë është bërë simbol i bashkimit dhe kujtesës historike, duke rikujtuar sakrificat dhe krenarinë e kombit tonë. Qytetarët e Belshit janë gati të festojnë me dashuri dhe respekt ditët më të rëndësishme të identitetit shqiptar ,28 dhe 29 Nëntorin, Ditën e Flamurit dhe Ditën e Çlirimit të Atdheut.
Me qytetin që shkëlqen në ngjyrat kuq e zi, Belshi dëshmon se ndjenja e atdhedashurisë është më e fortë se kurrë, duke e kthyer këtë fundnëntor në një festë të vërtetë të shpirtit shqiptar.
Belshi atdhedasmës bujar dhe kuq e zi ❤️🇦🇱🇦🇱🇦🇱🇦🇱🇦🇱