Aeroporti Ndërkombëtar i Tiranës (TIA) njoftoi nisjen e operimeve të reja të kompanisë Wizz Air drejt Stokholm Arlanda, Këln, Billund dhe Tenerife. Kompania do të rrisë gjithashtu frekuencat e fluturimeve drejt Milanos, Brukselit, Torinos dhe Berlinit.
Me avionin e 14-të Airbus A321neo të bazuar në Tiranë, zgjerimi ofron mbi 500,000 sedilje shtesë çdo vit, krijon mbi 35 vende pune direkte dhe mbështet mbi 350 të tjera në sektorin e aviacionit dhe shërbimeve.
Wizz Air numëron tashmë 57 destinacione në 17 shtete, duke e forcuar TIA-n si një qendër kryesore rajonale. Vetëm në korrik 2025, Shqipëria shënoi rritje rekord prej 152% të fluturimeve krahasuar me periudhën para pandemisë, duke kryesuar në Europë dhe në Ballkan.
