Është identifikuar personi i pajetë i cili u gjet mëngjesin e sotëm në një rrugë rurale të fshatit Dragostunjë të Librazhdit.
Pas mbërritjes në vendngjarje, forcat e rendit bënë identifikimin e trupit, i cili dyshohet të jetë Nazmi Cani, një tregtar i njohur i këpucëve në zonë. Paraprakisht, dyshohet se shkaku i vdekjes ka qenë një infarkt i miokardit, por ende nuk ka një konfirmim zyrtar.
Trupi i pajetë është dërguar për ekspertizë mjeko-ligjore, e cila pritet të hedhë më shumë dritë mbi shkaqet e vdekjes. Policia ka rrethuar zonën ku u gjet trupi dhe ka marrë në pyetje disa banorë të zonës dhe të afërm për çdo informacion që mund të ndihmojë në zbardhjen e ngjarjes.
Hetimet janë në fazë paraprake dhe autoritetet janë në pritje të rezultateve zyrtare nga ekspertiza. Më shumë detaje pritet të dalin në orët në vijim.
albaniaexpress.al