ATHINË ,10 qershor 2026/Albania Express News/Ambasadorja e Republikës së Shqipërisë në Athinë, Luela Hajdaraga, zhvilloi një takim me Ambasadorin e ri të Luksemburgu në Greqia, Paul Schmit, ku u diskutuan një sërë çështjesh me rëndësi për bashkëpunimin dypalësh dhe zhvillimet në nivel evropian.
Gjatë bisedës, një vëmendje e veçantë iu kushtua progresit të Shqipëria në procesin e anëtarësimit në Bashkimi Evropian. Në takim u vlerësua mbështetja e vazhdueshme që Luksemburgu ka ofruar për perspektivën evropiane të Shqipërisë dhe për politikën e zgjerimit të BE-së.
Po ashtu, palët diskutuan mbi mundësitë për forcimin e bashkëpunimit ekonomik, me fokus sektorët e energjisë, infrastrukturës dhe financave, duke evidentuar potencialin për zhvillimin e partneriteteve të reja me interes të ndërsjellë.
Në qendër të shkëmbimit të pikëpamjeve ishin edhe sfidat dhe mundësitë që lidhen me inovacionin, transformimin digjital dhe inteligjencën artificiale, të konsideruara si faktorë kyç për rritjen e konkurrueshmërisë dhe zhvillimin e qëndrueshëm të Evropës në vitet e ardhshme.
Takimi pasqyron angazhimin për thellimin e dialogut dhe bashkëpunimit mes vendeve partnere, në mbështetje të proceseve integruese dhe zhvillimit ekonomik rajonal e evropian.