GJIROKASTËR ,10 qershor 2026/Albania Express News/Një ngjarje e rëndë është regjistruar në Qarkun e Gjirokastrës mëngjesin e sotëm, rreth orës 10:00, ku një 15-vjeçar ka humbur jetën në një pishinë.
Sipas të dhënave paraprake, dyshohet se gjendja e të miturit mund të jetë ndikuar nga uji i ftohtë, megjithatë rrethanat dhe shkaku i saktë i ngjarjes mbeten ende të paqarta.
Menjëherë pas njoftimit, në vendngjarje kanë mbërritur shërbimet kompetente, të cilat kanë nisur hetimet për zbardhjen e plotë të rastit. Po ashtu, pritet edhe ekspertiza mjeko-ligjore, e cila do të ndihmojë në përcaktimin e shkakut të vdekjes.
Autoritetet vijojnë punën për sqarimin e plotë të ngjarjes.