KUKËS,28 maj 2026/Albania Express News/Kukësi ka arritur të mbetet në Kategorinë e Parë pasi triumfoi në ndeshjen shtesë të play-out ndaj Butrintit, në një përballje të pazakontë dhe mjaft të tensionuar.
Sfida ishte e fortë dhe me ritëm të lartë, ndërsa Kukësi kaloi në avantazh në minutën e 40-të falë golit të Alison. Vetëm pak çaste pas nisjes së pjesës së dytë, Tajo realizoi edhe golin e dytë, duke i dhënë skuadrës verilindore një epërsi të rëndësishme.
Butrinti tentoi të rikthehej në lojë dhe krijoi disa raste të mira, por nuk arriti të gjente rrugën e rrjetës për të rihapur takimin.
Me këtë fitore 2-0, Kukësi siguron vazhdimësinë në Kategorinë e Parë edhe për sezonin e ardhshëm, ndërsa Butrinti rikthehet në Kategorinë e Dytë, me synimin për të tentuar sërish ngjitjen në futbollin profesionist.
Kukësi 2-0 Butrinti
Golat: Alison 40’, Tajo 46’