Deputetët e Kuvendit të Kosovës do të mblidhen sot në seancën plenare ku do të shqyrtohet në tërësi projektligji mbi ndarjet buxhetore për Buxhetin e Republikës së Kosovës për vitin 2026.
Seanca nis në orën 11:00. Të enjten projektligji i buxhetit të shtetit në Kosovë kaloi në Komisionin për Buxhet dhe Financa, ku u votuar për përfshirjen e buxhetit për Komunën e Prishtinës dhe atë të Shtimes, në Projektligjin për Ndarjet Buxhetore për vitin 2026.
Propozimet i artikuloi ministri i Financave, Hekuran Murati, i cili tha se Komuna e Prishtinës dhe ajo e Shtimes i kanë kryer të gjitha kërkesat që nevojitet dhe sot është propozuar përfshirja në pjesën e tabelave
Më 16 shkurt, me 66 vota për, 32 kundër dhe pesë abstenime, Kuvendi i Kosovës e ka miratuar në në parim projektligjin për buxhetin e Kosovës për vitin 2026.
Projektligji parashikon që buxheti i përgjithshëm i shtetit për vitin 2026 të jetë rreth 4 miliardë euro.