Sot ka nisur shpërndarja e librave shkollorë falas për 236 mijë nxënës në të gjithë Shqipërinë. Kjo nismë, tashmë e kthyer në traditë, synon të lehtësojë familjet në prag të vitit të ri shkollor.
Kryeministri Edi Rama, në një reagim në rrjetet sociale, e cilësoi shpërndarjen e librave falas si një mbështetje të përvitshme për fëmijët dhe prindërit e tyre.
“MIRËMËNGJES, dhe me nisjen sot të shpërndarjes së librave shkollorë FALAS për 236 mijë nxënës në të gjithë vendin, një mbështetje e përvitshme e Qeverisë për fëmijët dhe familjet e tyre në prag të vitit të ri shkollor, ju uroj një javë të mbarë,” shkruan kreu i qeverisë.
Shpërndarja e librave falas pritet të përfundojë para nisjes së vitit të ri shkollor, duke siguruar që çdo nxënës të ketë materialet e nevojshme në kohë.