Pjesa e parë e ditës do të dominohet nga kthjellime në të gjithë territorin e vendit. Pasditja do të sjellë kalime të lehta vranësirash në zonat e thella malore, por mundësia për reshje mbetet thuajse zero.
Vija bregdetare dhe shumica e qyteteve të zonës së ulët do të vijojnë nën ndikimin e motit të kthjellët me vranësira të pakta.
Temperaturat e ajrit do të shënojnë një rritje të lehtë në orët e mëngjesit, ndërsa në mesditë mbeten të pandryshuara, duke u luhatur nga 12°C minimumi deri në 34°C maksimumi në rang vendi.
Era do të fryjë mesatare, nga drejtimi jugor-jugperëndimor, duke arritur shpejtësi deri në 50 km/h. Kjo do të krijojë dallgëzim deri në 4 ballë përgjatë brigjeve detare.