TIRANË,10 maj 2026/Albania Express News/Rënia zyrtarisht e Bylisit nga Kategoria Superiore hap zyrtarisht një telash të paprecedent për futbollin e vendit tonë.
Rënia e ekipit të parë të ballshiotëve si dhe ngjitja e Bylisit B nëpërmjet play-out të Kategorisë së Parë, ka krijuar një rast që kërkon interpretim ligjor për ekipin që do të luajë në Kategorinë e Parë në sezonin e ardhshëm.
Rregullorja parashikon që Bylis dhe Bylis B nuk mund të luajnë në të njëjtën kategori dhe se ekipi i dytë duhet të bjerë më poshtë. Por kush do ta zëvendësojë atë në Kategorinë e Parë?
Mbetet të shihet se si FSHF do të veprojë për rastin në fjalë që nuk ka një precedent dhe as nuk parashikohet në rregullore. Me shumë mundësi, vendimi për mënyrën e zëvendësimit të Bylis B do të vijë nga Komiteti Ekzekutiv, i cili është i plotfuqishëm për raste të tilla.