Senati i Uruguait ka miratuar një projektligj historik që legalizon eutanazinë, duke e vendosur vendin mes të paktëve në Amerikën Latine që njohin të drejtën për t’i dhënë fund jetës në mënyrë të asistuar.
Ligji i ri garanton të drejtën për t’u “përballur me vdekjen me dinjitet” për të gjithë personat e rritur që janë mendërisht të shëndetshëm, por që vuajnë nga sëmundje të pashërueshme ose të pakthyeshme që shkaktojnë dhimbje të padurueshme.
Pas një debati që zgjati më shumë se 10 orë, projektligji mori mbështetjen e partisë në pushtet dhe votat pro të disa deputetëve të opozitës. Vendimi u përshëndet nga organizatat për të drejtat e njeriut dhe grupet pro-eutanazisë, ndërsa ka nxitur reagime dhe kundërshtime nga qarqet fetare dhe konservatore.
