ELBASAN,2 maj 2026/Albania Express News/Në prag të hapjes zyrtare të Kongresit të 20-të Evropian të FIEPS, që zhvillohet në Universitetin e Elbasanit, Prof. dr. Elvira Fetahu, zhvilloi një seri takimesh zyrtare me drejtuesit më të lartë të sportit dhe arsimit evropian.
Gjatë takimeve me Prof. Dario Novak (President i FIEPS), Prof. Ognyan Miladinov (Zëvendësrektor i National Sports Academy “Vasil Levski”), Zëvendëspresidentët e FIEPS, Prof. Branislav Antala dhe Prof. Gabriela Luptáková, si dhe me z. Florian Muça (President i Albanian Sports Science Association – ASSA), u diskutuan hapat konkretë për të ardhmen e bashkëpunimit tonë institucional.
Diskutimet u fokusuan në krijimin e sinergjive të reja institucionale, hartimin e projekteve kërkimore të përbashkëta në kuadër të çertifikimit ECHE, si dhe rritjen e mobilitetit për studentët dhe stafin tonë akademik. Ky takim rikonfirmon rolin e Universitetit të Elbasanit si një partner strategjik në hapësirën evropiane të arsimit dhe kërkimit shkencor.
