Futbollisti uellsian Ioan Evans ka ndërruar jetë në moshën 25-vjeçare, ka konfirmuar klubi i tij Afan Lido.
Lajmi i trishtë ka tronditur komunitetin e futbollit në Uells, ku Evans ishte një nga lojtarët më të dashur dhe më jetëgjatë të skuadrës.
Sulmuesi iu bashkua Afan Lido në vitin 2020 dhe gjatë qëndrimit të tij zhvilloi 127 ndeshje, duke shënuar 16 gola, ndërsa në disa raste mbajti edhe shiritin e kapitenit.
Në një deklaratë prekëse, klubi e përshkroi Evans si një njeri të përkushtuar, tepër të dashur dhe gjithmonë të gatshëm për të sjellë buzëqeshje te të tjerët.
Afan Lido bëri të ditur se do t’u ofrojë mbështetje bashkëlojtarëve të tij dhe do të hapë një libër ngushëllimesh për të gjithë ata që dëshirojnë të ndajnë kujtime dhe t’i japin lamtumirën e fundit, ndërsa ngushëllimet shkojnë për familjen dhe miqtë e tij.