TIRANË ,16 shtator 2026 /Albania Express News/-Kryeministri Edi Rama e konsideron të turpshëm vendimin e Dhomave të Specializuara të Hagës, të cilat sot kanë shqiptuar vendimet e dënimit me burg për ish-krerët kryesorë të Ushtrisë Çlirimtare që i solli lirinë Kosovës.
“MARRE” shkruan Edi Rama, ndërsa në fotografinë që ai ka publikuar, harta e Europës është e rrethuar me tela me gjemba dhe në qendër shënimi në zhargonin e shqipes së Kosovës.
Dhomat e Specializuara të Hagës kanë shqiptuar dënimin me 25 vite burg për presidentin e Kosovës dhe një ndër drejtuesit kryesor të Ushtrisë Çlirimtare, gjithashtu me burg edhe për Kadri Veselin, Jakup Krasniqin dhe Rexhep Selimin.
E TURPSHME! Gjykata e Hagës dënon presidentin Hashim Thaçi me 25 vite burg, edhe përse nuk gjeti prova për krime kundër njerëzimit
Gjyqtari Smith, përmendi shumë faktorë lehtësues për Hashim Thaçin, që nga ndërprerja e detyrës si President i Kosovës, dorëzimi vullnetar, bashkëpunimi me drejtësinë dhe rrëzimi i akuzave kryesore, por dënimi që shqiptoi nuk reflektonte asnjë prej tyre.
Po ashtu, pati faktorë lehtësues edhe për tre çlirimtarët e tjerë, por siç gjyqtari Smith tha, atyre u është dhënë peshë inferiore.