TIRANË, 08 shtator 2026 /Albania Express News/ – Tensionet janë përshkallëzuar gjatë protestës së zhvilluar jashtë ambienteve të Kuvendit, ku protestuesit janë përplasur me forcat e Policisë së Shtetit.
Gjatë situatës së krijuar, policia ka shoqëruar kreun e partisë “Shqipëria Bëhet”, Adriatik Lapaj.
Sipas njoftimit të bërë nga forca politike që ai drejton, Lapaj ka mbetur i lënduar gjatë momentit të shoqërimit.
Ndërkohë, protestues të pranishëm në tubim pretendojnë se gjatë ndërhyrjes së policisë ndaj Lapajt është përdorur dhunë.
Përplasjet kanë vijuar për disa momente jashtë godinës së Kuvendit, ndërsa situata është monitoruar nga forcat e rendit të angazhuara për menaxhimin e protestës.
Në vijim pritet të ketë më shumë informacion lidhur me rrethanat e shoqërimit të Lapajt dhe situatën e krijuar gjatë protestës.