TIRANË, 8 shtator 2026 /Albania Express News/ – Protesta e zhvilluar jashtë ambienteve të Parlamentit ka përshkallëzuar pas përfundimit të seancës plenare.
Në momentin e daljes nga Kuvendi, makina e deputetes së Partisë Socialiste, Ilva Gjuzi, është goditur nga disa protestues me vezë dhe shishe uji.
Situata është tensionuar më tej, pasi një prej protestuesve ka goditur automjetin edhe me shkelma, duke i dëmtuar dhe thyer pasqyrën.
Ngjarja ka ndodhur në një moment tensioni mes protestuesve dhe forcave të rendit, ndërsa vijojnë reagimet dhe përplasjet jashtë ambienteve të Parlamentit.
Dëmtimi i automjetit dhe incidenti ndaj deputetes pritet të jenë objekt i verifikimeve nga autoritetet.