Dita e sotme në qarkun Elbasan është karakterizuar nga mot i vranët i alternuar me kthjellime, pa reshje shiu. Sipas komunikimeve me strukturat e Emergjencave Civile në të gjitha bashkitë e qarkut, situata paraqitet e stabilizuar dhe pa probleme.
Prurjet e lumenjve dhe përroskave mbeten në nivele të sigurta dhe aktualisht nuk paraqesin rrezik për dalje nga shtrati apo përmbytje. Nga HEC Banjë bëhet e ditur se shkarkimet janë ulur, duke u regjistruar në 150 m³/sek, si dhe 100 m³/sek të tjera që i përkasin prodhimit të energjisë. Situata vijon të jetë nën monitorim të vazhdueshëm nga kompania “Devoll Hidropower”.
Ndërkohë, edhe në zonën e Sulovës, në Njësinë Administrative Mollas, raportohet se shkarkimet e ditëve të fundit nuk kanë shkaktuar dëme apo pasoja në tokat bujqësore të zonës .