TIRANË, 29 shtator 2026 /Albania Express News/- Shqipëria përballet sonte me San Marinon në kuadër të Ligës së Kombeve, në një sfidë që shënon përballjen e pestë në historinë e dy kombëtareve.
Bilanci i katër ndeshjeve të mëparshme është i plotë në favor të kuqezinjve. Shqipëria i ka fituar të gjitha përballjet, ndërsa San Marino nuk ka arritur të shënojë asnjë gol. Në total, kuqezinjtë kanë realizuar 13 gola.
Përballja e parë mes dy skuadrave u zhvillua më 16 gusht 2006 në Serravalle, në një ndeshje miqësore. Shqipëria fitoi 3-0, duke e nisur me sukses historinë e përballjeve direkte.
Më 8 qershor 2014, dy kombëtaret u përballën sërish në San Marino, në një tjetër ndeshje miqësore. Edhe këtë herë triumfuan kuqezinjtë, me rezultatin 3-0.
Dy përballjet e fundit kanë qenë në kuadër të eliminatoreve të Kupës së Botës 2022. Më 31 mars 2021, Shqipëria fitoi 2-0 në transfertë, ndërsa më 8 shtator të po atij viti regjistroi fitoren më të thellë ndaj San Marinos, 5-0 në Tiranë.
Në katër ndeshje, Shqipëria ka regjistruar katër fitore, asnjë barazim dhe asnjë humbje, me golaverazhin 13-0. San Marino nuk ka mundur ende të gjejë rrugën e rrjetës ndaj kuqezinjve.
Përballjet Shqipëri-San Marino:
- 16 gusht 2006: San Marino 0-3 Shqipëria – miqësore
- 8 qershor 2014: San Marino 0-3 Shqipëria – miqësore
- 31 mars 2021: San Marino 0-2 Shqipëria – eliminatore të Botërorit 2022
- 8 shtator 2021: Shqipëria 5-0 San Marino – eliminatore të Botërorit 2022
Sonte, dy kombëtaret do të përballen për herë të pestë, këtë herë në Ligën e Kombeve, në “San Marino Stadium” në Serravalle.
