TIRANË ,10 gusht 2026/Albania Express News/-Shëtitorja e re e Ksamilit ka plotësuar infrastrukturën urbane në funksion të banorëve por edhe për t’iu përgjigjur fluksit turistik.
Kryeministri Edi Rama ndau sot pamje nga shëtitorja e re, një hapësirë publike e transformuar për banorët dhe për çdo vizitor që zgjedh jugun e Shqipërisë.
Shëtitorja e Ksamilit është pjesë e projektit madhor për përmirësimin e infrastrukturës urbane dhe turistike në bregdetin e jugut.
Ajo lidh zonat kryesore, ofron hapësira pedonale për vizitorët dhe të riorganizon aksesin përgjatë vijës bregdetare, duke ndjekur standardet më të mira të bregdeteve mesdhetare.
Ksamili konsiderohet një nga ikonat e turizmit shqiptar dhe një nga pikat më të fotografuara të Rivierës Shqiptare.
Veçantia e tij qëndron në kombinimin e peizazhit natyror me trashëgiminë kulturore, duke ofruar një eksperiencë që shkon përtej turizmit tradicional të plazhit.