Kryeministri Edi Rama e konsideron diplomacinë ekonomike si hallkën më të dobët të punës së ambasadave shqiptare. Gjatë takimit tre ditor me ambasadorët, ai theksoi se kontributi i përfaqësive tona në këtë fushë është thuajse inekzistent.
“Sa i përket politikës së jashtme, qeveria ka bërë punën më të lehtë, por ambasadat duhet të fokusohen tek intensifikimi i lidhjeve ekonomike me botën”, tha Rama. Ai shtoi se marrëdhëniet me vendet kryesore të Gjirit janë në një nivel të lartë, dhe presioni është që shërbimi diplomatik të ngrihet në të njëjtin standard.
Rama nënvizoi nevojën për prioritizim të diplomacisë ekonomike, duke shfrytëzuar ndikimin e Shqipërisë në Europë dhe më gjerë, për të arritur rezultate konkrete.