Qindra demonstrues janë mblidhur para Bashkisë në Kopenhagen, si pjesë e një sërë veprimesh të planifikuara në të gjithë Danimarkën dhe Groenlandën në shenjë proteste kundër Donald Trump dhe planeve të tij për të marrë kontrollin e Groenlandës.
Plani në Kopenhagen është marshimi drejt ambasadës amerikane në kryeqytetin danez. Tubime të tjera janë paralajmëruar në Groenlandë dhe në pjesë të tjera të Danimarkës.
“Po demonstrojmë kundër deklaratave dhe ambicieve amerikane për të aneksuar Groenlandën. Ne kërkojmë respekt për Mbretërinë Daneze dhe për të drejtën e Groenlandës për vetëvendosje. Shpresojmë të tregojmë se ka shumë prej nesh që e mbështesin Groenlandën”, tha në një deklaratë Camilla Siezing, kryetarja e Shoqatës Inuit.