ELBASAN/10 maj 2026/Albania Express News/Elbasani është zgjuar në fundjavë me një lajm të trishtë. Është ndarë nga jeta në moshën 100-vjeçare Nure Alla, banore e lagjes “5 Maji”, një grua që për dekada me radhë ishte simbol i urtësisë, fisnikërisë dhe respektit në komunitet.
Jeta e saj një shekullore mbartte histori, sakrifica dhe kujtime të shumta nga periudha të ndryshme që ka kaluar qyteti i Elbasanit. Të afërm, fqinjë dhe të njohur e kujtojnë Nure Allën si një nënë dhe gjyshe të përkushtuar, një grua punëtore dhe me zemër të madhe, që gëzonte respektin e të gjithë lagjes.
Lajmi i ndarjes së saj nga jeta ka sjellë trishtim te familjarët e saj dhe te banorët e bllokut të banimit të lagjes 5 maji më qytetin e Elbasanit , të cilët shprehen se me ikjen e saj shuhet edhe një pjesë e memories së historisë së vjetër të lagjes “5 Maji”.
Familjarët e përcollën për në banesën e fundit mes dhimbjes, por edhe me krenarinë për jetën e gjatë dhe gjurmët e mira që la pas.