Gjyqtari i dashur amerikan, Frank Caprio, është ndarë nga jeta pas një beteje të gjatë me kancerin.
I njohur për drejtësinë humane dhe qasjen e tij plot mirëkuptim ndaj qytetarëve, Caprio fitoi zemrat e miliona njerëzve në mbarë botën. Ai u bë i famshëm përmes emisionit të nominuar për çmimin Emmy, Caught in Providence, ku vendimet e tij shpesh shoqëroheshin me buzëqeshje, humor dhe ndjenja njerëzore.
Për këtë stil unik dhe shpirtin e tij të jashtëzakonshëm, Caprio mori nofkën “gjyqtari më i mirë i botës” nga publiku. Në rrjetet sociale, momentet e tij më të paharrueshme u shpërndanë gjerësisht, duke i dhënë atij miliona ndjekës dhe admirues nga çdo cep i globit.
Largimi i tij lë një boshllëk të madh, jo vetëm në sallën e gjyqit, por edhe në zemrat e atyre që e panë si shembull të drejtësisë së vërtetë dhe njerëzores.
albaniaexpress.al