Mirlind Daku po konfirmon formën e tij të shkëlqyer. Sulmuesi i Kombëtares shqiptare shënoi dy gola që në pjesën e parë për Rubin Kazan, në raundin e shtatë të kampionatit rus, në transfertën ndaj Orenburgut në Moskë.
Daku zhbllokoi rezultatin në minutën e 16-të, pas një pasimi nga Iëu, duke goditur menjëherë me të majtën dhe duke e dërguar topin pas shpinës së portierit Staver. Goli i parë ishte i mbushur me emocion, pasi sulmuesi ia dedikoi gjyshit të ndjerë, i cili ndërroi jetë vetëm dy ditë më parë, dhe nuk i mbajti dot lotët.
Sulmuesi 26-vjeçar shënoi sërish në minutën e 34-t, këtë herë me të djathtën nga brenda zonës. Me këtë dygolësh, Daku ka arritur kuotën e shtatë golave në dhjetë ndeshje mes kampionatit dhe Kupës së Rusisë.
Daku do t’i bashkohet të hënën Kombëtares shqiptare të drejtuar nga Sylvinho, me golat që vijnë si sinjal pozitiv për ndeshjet e radhës: më 4 shtator një miqësore kundër Gjibraltarit dhe më 9 shtator ndaj Letonisë në Tiranë, në kuadër të Grupit K kualifikues të Kupës së Botës.